శ్రీ ఆంజనేయ ప్రార్ధనా :

శ్రీ ఆంజనేయ ప్రార్ధనా :

గోష్పదీకృత వారాశిం మశకీ కృత రాక్షసం

రామాయణ మహా మాలా రత్నం వందే౭నిలాత్మజం                     1

అంజనా నందనం వీరం జానకీ శోక నాశనం

కపీశమ౭క్ష హన్తారం వందే లంకా భయంకరం                               2

ఆమిషీ కృత మార్తాండం గోష్పదీ కృత సాగరం

తృణీ కృత దశగ్రీవ మాంజనేయం నమా మ్య౭హం                        3

మనోజవం మారుత త్యుల్య వేగం

జితేంద్రియం బుద్ధిమతాం వరిష్ట౦

వాతాత్మజం వానర యూధ ముఖ్యం

శ్రీ రామ దూతం శిరసా నమామి                                               4

ఉల్లంఘ్య సింధో స్సలిలం సలీలం

య శ్శోక వహ్నిం జనకాత్మజాయాః

ఆదాయ తేనైవ దదాహ లంకాం          

నమామి తమ్ ప్రాంజలి రాంజనేయం                                        5

ఆంజనేయ మతి పాటలాననం

కాన్చనాద్రి కమనీయ విగ్రహం

పారిజాత తరు మూల వాసినం

భావయామి పవమాన నందనం                                              6

యత్ర యత్ర రఘునాధ కీర్తనం           

తత్ర తత్ర కృత మస్తకా౭౦జలిం

బాష్ప వారి పరిపూర్ణ లోచనం

మారుతిం నమత రాక్షసాన్తకం                                                7

శ్రీ వాల్మీకి ధ్యానం :,

శ్రీ వాల్మీకి ధ్యానం :

కూజంతం రామ రామేతి మధురం మధురాక్షరం

                                ఆరుహ్య కవితా శాఖాం వందే వాల్మీకి కోకిలం  1                          వాల్మీకే ర్ముని సింహస్య కవితా వనచారిణః

                           శ్రుణ్వన్ రామ కధా నాదం కో న యాతి పరా౦గతిం    2

                 యః పిబన్ సతతం రామ చరితామృత సాగరం

                       అతృప్తస్తం మునిం వందే ప్రాచేతస మకల్మషం       3

Sri Rama Dhyanam - శ్రీ రామ ధ్యానం

శ్రీ రామ ధ్యానం  

వైదేహీ సహితం సుర ద్రుమతలే హైమే మహా మండపే

మధ్యే పుష్పక మాసనే మణిమయే వీరాసనే సుస్థితం

అగ్రే వాచయతి ప్రభంజన సుతే తత్త్వమ్ మునిభ్యః పరం

వ్యాఖ్యాంతం భారతాదిభి: పరివృతం రామం భజే శ్యామలం.          1

వామే భూమి సుతా పురశ్చ హనుమాన్ పశ్చా త్సుమిత్రా సుత:

శత్రుఘ్నో భరత శ్చ పార్శ్వ దళయో ర్వాయ్వాది కోణేషు చ

సుగ్రీవ శ్చ విభీషణ శ్చ యువరాట్ తారా సుతో జామ్బవాన్

మధ్యే నీల సరోజ కోమల రుచిం రామం భజే శ్యామలం                   2

మాతా రామో మత్పితా రామభద్రో

భ్రాతా రామో మత్ సఖా రాఘవేశ:

సర్వస్వం మే రామచంద్రో దయాళు:

నా౭న్యం దేవం నైవ జానే న జానే                                              3

సాకేతే శర దిందు కుంద ధవళే సౌధే మహా మండపే

పర్యస్తాగరు  ధూప దీప లలితే కర్పూర దీపోజ్జ్వలే

సుగ్రీవా౭౦గద జామ్బవత్ పరివృతం సౌమిత్రిణా సేవితం

లీలా మానుష విగ్రహం రఘువరం రామం భజే శ్యామలం                4

నమోస్తు రామాయ స లక్ష్మణాయ

దేవ్యై చ తస్యై జనకాత్మజాయై

నమోస్తు రుద్రేంద్ర యమా౭నిలేభ్యో

నమోస్తు చంద్రార్క మరు ద్గణేభ్య:                                           5

Sri Rama Prarthana

శ్రీ రామ ప్రార్ధనా:

శ్రీ రాఘవం దశరధాత్మజ మప్రమేయం

సీతాపతిం రఘుకులాన్వయ రత్న దీపం

ఆజానుబాహుమ౭రవింద దళాయతాక్షం

రామం నిశాచర వినాశకరం నమామి.                                        1

వైదేహీ సహితం సుర ద్రుమతలే హైమే మహా మండపే

మధ్యే పుష్పక మాసనే మణిమయే వీరాసనే సుస్థితం

అగ్రే వాచయతి ప్రభంజన సుతే తత్త్వమ్ మునిభ్యః పరం

వ్యాఖ్యాంతం భారతాదిభి: పరివృతం రామం భజే శ్యామలం           2

ఆపదామపహర్తారం దాతారం సర్వ సంపదాం

లోకాభిరామం శ్రీ రామం భూయో భూయో నమామ్యహం                 3